【Emily】律師議員學水務 民協黃虹銘：幫街坊
[2022.04.14] 發表
【明報專訊】民協屯門區議員黃虹銘(Ian)，日前同民協前主席施德來、署理主席楊彧等，一齊去民協職訓中心學習家居水務。Emily向Ian了解，原來佢並非打算轉行，而係希望了解多啲家居維修知識，方便服務街坊。
本身係律師嘅Ian話，課程一連兩晚，每堂約3個鐘，當日就學習唧玻璃膠、廁所隔氣原理、維修水渠點樣閂水掣、水掣喺大廈內位置分佈等，對佢而言唔算困難，又形容上堂後「長知識」，大開眼界。
Ian話區內不時有街坊查詢家居水務問題，但作為區議員唔能夠轉介生意，所以希望了解更多相關基本知識，令自己更貼地之餘，亦方便日後服務居民。佢亦鼓勵市民空閒時學習家居維修。
民協主席改選 僅廖成利競逐
另外，民協將於星期六(16日)改選領導層，其中主席一職只有「元老」黃大仙區議員廖成利再度出山參選。
更多港聞
【明報專訊】香港人口老化，長者重投勞動市場有時唔容易，咖啡店「BEANS Coffee」噚日喺facebook發文，推出「老友記計劃2022...
詳情
【Emily】被指赴美深造後「變了樣」 楊健興反駁 斥「屈得就屈」
【明報專訊】建制派作者屈穎妍日前喺報章撰文點名質疑，被捕獲釋嘅前「立場新聞」博客區家麟同記協前主席楊健興先後到美國深造後「變了樣」。楊健興日... 詳情
【明報專訊】法國大選首輪投票鬥得難分難解，爭取連任嘅總統馬克龍（Emmanuel Macron）雖然喺一眾候選人中得票率最高，有27.8%，...
詳情
相關新聞
