【Emily】逾百盆菜盆捐流浪狗場 前區議員陳榮泰謝街坊
[2022.02.07] 發表
【明報專訊】去年被取消資格(DQ)嘅前東區區議員陳榮泰，噚日喺區內擺街站向街坊收集盆菜盆，捐贈畀有需要嘅流浪狗場。陳榮泰同Emily講，雖然噚日朝早天氣寒冷，但活動反應出奇地理想，短短3個鐘就收集到超過100個盆菜盆，估計可以捐畀20至30個流浪狗場，佢感謝一眾有心嘅街坊支持。今次係佢首次舉辦同類活動，緣於有街坊提出新年食完盆菜，盆菜盆可以送畀流浪狗場盛載食物同水，亦有街坊知道活動目的後捐贈狗糧同毛巾等物資，都會一併轉送有需要嘅流浪狗場。
向捐贈長者派頸巾 盼續服務街坊
除咗收集盆菜盆，陳榮泰亦向捐贈盆菜盆嘅長者派頸巾，希望喺冬天為佢哋送上溫暖。雖然已經被DQ，但陳榮泰話佢希望改變社區、為街坊服務嘅心，唔會因為無咗區議員身分而改變，即使失去政府資源，幫到居民嘅工作就會繼續做。
更多港聞
【Emily】梁美芬派物資 被露宿者互愛精神感動
【明報專訊】選委會界別立法會議員、經民聯梁美芬喺年廿九傍晚，聯同多名專業人士、「凝聚民心」嘅義工，到油麻地一帶包括油麻地梁顯利社區中心嘅臨時... 詳情
【明報專訊】全國人大代表、政協「兩會」分別將於3月5日和4日喺北京召開，有港區人代同政協委員已收到通知，佢哋要同上年一樣，要先到深圳住一晚，...
詳情
相關新聞
