【Emily】愛貓正化療 馮達浚獄中盼望奇蹟
[2022.02.03] 發表
【明報專訊】因「35+初選案」還押嘅被告馮達浚(Frankie)，其8歲愛貓Zeta確診淋巴癌，正接受化療。Frankie喺獄中寫信畀愛貓，形容Zeta係最好嘅朋友，回憶難過嘅時候，Zeta會用佢嘅方式𧨾自己開心。Frankie話渴望可以陪住愛貓化療，甚至寧願病嗰個係佢；佢希望奇蹟出現，令Zeta可以等到佢重獲自由，佢可以陪貓貓走埋剩低嘅路。
另一被告、民主黨前主席胡志偉因前年六四集結案，去年被判囚4個半月，前日大年初一完成刑期，轉番還押身分。觀塘前區議員鄭景陽同Emily講，由於名額所限，已有一段時間無探過對方，但了解到志偉最近精神唔錯。佢又話過去每年嘅農曆新年都會忙住同志偉一齊落區，辛苦但有意義。
上月因為違反保釋條件再被還押嘅鄒家成亦喺獄中更新近况，佢話好感激朋友不離不棄，本來想趁保釋同朋友好好相處，但花咗唔少時間調整心態同梳理思緒，最終未能同朋友正式道別，深感抱歉，又話佢會「勇敢地活下去」。
更多港聞
【Emily】一甲子前霍亂 陳凱欣考古：疫情壬寅年受控
【明報專訊】一年之計在於春，新任立法會選委會界別議員陸瀚民（Benson，圖）就去咗開年跑步，話提醒自己為新一年工作做準備。佢話現時疫情嚴峻... 詳情
【Emily】李家超視察竹篙灣 稱將引智能管理
【明報專訊】政務司長李家超同食衛局長陳肇始，噚日大年初二到竹篙灣檢疫中心視察最新運作情况，並為當值人員打氣同送上新年祝福。李家超喺網誌話，第... 詳情相關新聞
