【Emily】一甲子前霍亂 陳凱欣考古：疫情壬寅年受控
[2022.02.03] 發表
【明報專訊】一年之計在於春，新任立法會選委會界別議員陸瀚民(Benson，圖)就去咗開年跑步，話提醒自己為新一年工作做準備。佢話現時疫情嚴峻，跑步全程戴口罩，又話喺尖沙嘴跑，見市况冷清，同平時車水馬龍情景形成強烈對比。佢嘅新年願望係香港一齊走出「疫」境，跑友們「長跑長友」、跑山者們如履平地。
新任商界(三)議員嚴剛係招商局高層，佢就話趁假期去探訪當值嘅基層碼頭員工，話要向喺節日堅守崗位嘅工友致敬。今年係壬寅年，選委會界別陳凱欣就話翻查歷史，60年前香港正受霍亂侵襲，當時疫情正係喺壬寅年受控，期望疫情早日完結。保險界陳健波就寫揮春，「疫情再無下一波 一家大細笑呵呵」，送上新年祝福。
更多港聞
【Emily】李家超視察竹篙灣 稱將引智能管理
【明報專訊】政務司長李家超同食衛局長陳肇始，噚日大年初二到竹篙灣檢疫中心視察最新運作情况，並為當值人員打氣同送上新年祝福。李家超喺網誌話，第... 詳情相關新聞
