【Emily】前刑檢專員 梁卓然過檔開始執業

[2022.01.29] 發表

【明報專訊】2020年底辭職嘅前刑事檢控專員梁卓然(圖)，外界關注佢嘅去向，今個月中，Emily見到佢旁聽霍家爭產官司，佢話當時喺著名大律師行Temple Chambers「跟師傅」。Emily近日睇番大律師公會網頁，發現佢已加盟另一間著名大律師行Liberty Chambers，開始私人執業。

梁卓然本身係資深大律師，喺律政司刑事檢控科工作近25年，任內親自處理「七警」、「佔中九人」等案。2020年8月，梁喺內部電郵向同事講，同律政司長鄭若驊意見分歧，已經請辭，又話律政司從來唔會「力爭定罪」(strive for convictions)。

另外，新一屆大律師公會主席杜淦堃上任後，公會多咗幾名執委會委員，包括資深大律師黃繼明、資深大律師黃佩琪、資深大律師張天任、大律師許文恩同王斌暉等。

更多港聞

【明報專訊】第五波新冠病毒疫情未受控，睇嚟都會陪香港人踏入虎年，「點新聞」噚日喺疫情記者會問衛生署會唔會為喺竹篙灣檢疫中心過年嘅市民準備新年... 詳情

【明報專訊】建築署長何永賢噚日到立法會大樓，視察過去半年為第七屆立法會完成嘅多項改善工程。同何永賢一齊視察嘅立法會主席梁君彥喺faceboo... 詳情