【Emily】竹篙灣市民有新年禮物？ 張竹君：答唔到你
[2022.01.29] 發表
【明報專訊】第五波新冠病毒疫情未受控，睇嚟都會陪香港人踏入虎年，「點新聞」噚日喺疫情記者會問衛生署會唔會為喺竹篙灣檢疫中心過年嘅市民準備新年禮物，衛生防護中心傳染病處主任張竹君要記者重複問多一次，然後講咗句「喔，新年禮物」，之後話要睇睇有關方面有咩安排，臨尾仲好有禮貌咁補多句「答唔到你，唔好意思」。
據疫情網站，截至前日(27日)朝早，有超過1700人喺竹篙灣檢疫中心，連同喺柴灣鯉魚門公園及度假村，同埋3間檢疫酒店，有逾2700人正檢疫，睇嚟當中有唔少要喺檢疫中過年。
更多港聞
【Emily】「新裝」會議室 梁君彥：溫暖莊重
【明報專訊】建築署長何永賢噚日到立法會大樓，視察過去半年為第七屆立法會完成嘅多項改善工程。同何永賢一齊視察嘅立法會主席梁君彥喺faceboo... 詳情相關新聞
