【Emily】被指擅掛橫額 黃學禮遭追4萬移除費

[2021.12.22] 發表

【明報專訊】今年10月被取消資格嘅沙田區議會前副主席黃學禮，被指喺2015至2019年，未經許可多次展示近200幅橫額、易拉架等宣傳品。律政司上個月代表食環署入稟小額錢債審裁處，要求黃學禮交番41,433蚊嘅移除費用同利息。呢單案就會押後至明年3月21日再訊。

申索書寄舊議辦

黃缺席聆訊稱無收通知

黃學禮噚日未有出席聆訊。佢回覆Emily時話，申索書嘅地址係舊區議員辦事處，但佢幾個月前已經搬走，一直冇收過通知，仲笑言Emily清楚過佢。

睇番份申索書，食環署話喺2015年11月至2019年12月，根據《公眾衛生及市政條例》移除黃學禮未經許可嘅宣傳品合共108次。申索書又列明，食環署有權就移除物品嘅工作追討費用。

律政司向黃學禮發出繳款通知書，但多番追討款項下都未收到錢。律政司最後代表食環署長入稟小額錢債審裁處向黃追討費用。

更多港聞

【明報專訊】聖誕假期外出，梗係想同至愛家人、愛侶或老友影張靚相，留下美好回憶，今個聖誕，坐落西九文化區藝術公園、逾6層樓高嘅20米聖誕樹，以... 詳情

【明報專訊】區議員辭職潮發生距今大約5個月，部分前區議員謀求轉型。民主黨中西區前議員伍凱欣（Bonnie）早排裝修辦事處，喺原址開舖。新舖名... 詳情

【明報專訊】香港學生喺國際賽事取得佳績，6名來自5間中學嘅初中生，喺「國際初中科學奧林匹克」攞到兩金、4銀佳績。教育局長楊潤雄就話，泳手何詩... 詳情