【Emily】西九夢幻小鎮 平安夜聖誕開至凌晨
[2021.12.22] 發表
【明報專訊】聖誕假期外出，梗係想同至愛家人、愛侶或老友影張靚相，留下美好回憶，今個聖誕，坐落西九文化區藝術公園、逾6層樓高嘅20米聖誕樹，以及夢幻聖誕小鎮，相信係唔少市民嘅打卡之選。
呢棵今年全港最高嘅聖誕樹及夢幻小鎮係旅發局「香港繽紛冬日巡禮」嘅主角，上月起喺西九文化區藝術公園登場。旅發局特別推出打卡攻略，例如點樣可以喺冇平靜水面之時都拍到「天空之鏡」效果，秘訣原來係借用多一部手機，先將手機放平，用屏幕作為反射面，再將影相用嘅手機機身倒轉，鏡頭貼近反射面，調整角度就可以拍到「天空之鏡」嘅效果嘞。
影「天空之鏡」效果有法
聖誕小鎮即日起至下月2日嘅開放時間係朝早11點至晚上11點，平安夜同聖誕節會延長開放至凌晨1點，除夕就會提早至傍晚6點就關閉。
更多港聞
【Emily】伍凱欣開舖 寄賣牆內黨友貨物籌款
【明報專訊】區議員辭職潮發生距今大約5個月，部分前區議員謀求轉型。民主黨中西區前議員伍凱欣（Bonnie）早排裝修辦事處，喺原址開舖。新舖名... 詳情
【Emily】國際初中科學奧林匹克 港生奪2金4銀
【明報專訊】香港學生喺國際賽事取得佳績，6名來自5間中學嘅初中生，喺「國際初中科學奧林匹克」攞到兩金、4銀佳績。教育局長楊潤雄就話，泳手何詩... 詳情相關新聞
