【Emily】立選在即 選民資料仲有得改？
[2021.12.04] 發表
【明報專訊】仲有大約兩星期就係立法會選舉，選舉事務處噚日喺幾份報章登頭版廣告，用咗好搶眼嘅橙色做底色，呼籲大家投票。廣告上面印咗選舉網頁網址同QR code，市民可以到網站了解選舉安排、候選人背景等，廣告仲有個查詢熱線，Emily試過打電話去，揀完語言，就有8個選項可揀，全部同選民登記有關，但奇怪在，選民登記同更改選民資料一早已經截止。
查詢熱線提供咗8個選項，包括有關更改選民登記資料、地方選區及功能界別選民登記資格及方法等，撳入去有錄音讀出一大堆相關做法，不過真係想問投票日嘅安排，就要㩒「0字」，與職員聯絡喇！
熱線問投票日安排 按「0」搵職員
Emily問過選舉事務處，處方話熱線旨在為市民提供一站式服務，查詢同選舉相關嘅一般資訊，熱線職員會轉介需要跟進嘅查詢或個案畀相關組別跟進同回覆。
政府發言人就話，噚日喺16份本港報章登立法會選舉廣告，涉及開支約340萬元。
更多港聞
【明報專訊】西九文化區M+博物館開幕超過3星期，每日都有唔少人入場，Emily上個月11號參加傳媒預展，喺南展廳見到藝術家李明維嘅裝置藝術《...
詳情
【明報專訊】旅發局除夕會喺西九文化區舉行「香港跨年倒數演唱會」，演出嘅包括人氣組合MIRROR等，吸引20萬人參加門票抽獎。旅發局噚日喺網頁...
詳情
相關新聞
