【Emily】子女有目標 杜凱琹父母：相信最重要
[2021.09.23] 發表
【明報專訊】東京奧運乒乓女團銅牌得主之一杜凱琹(阿杜)偕父母接受教育局訪問，原來阿杜細個時家人安排佢學跳舞同彈琴，直至佢去睇阿哥練習乒乓波，即使只係去執波都好有興趣，後來更一試愛上。杜媽媽話每個人都有專長，建議家長平時多同小朋友傾偈、陪伴佢哋，喺生活細節上發掘子女潛能。
杜爸爸就話，阿女轉做全職運動員前經過全家討論，笑言「結果係內定」，佢點都會支持個女全職打波。佢話阿女做全職運動員後雖然冇咗校園生活，但喺奧運奪得銅牌呢個榮譽，係值得嘅。
阿杜嘅運動員之路唔係一帆風順，19歲時就遇上多場敗仗。杜媽媽話，當時阿女由青少年組轉打成人組，佢勉勵阿女經歷多幾次輸波就會迎來勝利。杜爸爸就話，如仔女已訂下目標，家人默默喺背後支持就可以，最重要相信、支持同鼓勵佢哋。
更多港聞
【明報專訊】香港青年協會青年研究中心「青年創研庫」發表「釋放香港娛樂產業的潛力」研究報告，娛樂產業意指「歌、影、視、網上創作」4個界別，在1...
詳情
相關新聞
