【Emily】楊彧伙前區議員賣酒 搵錢續幫街坊

楊彧

【明報專訊】區議員宣誓一直只聞樓梯響，未有時間表，但唔少民主派區議員早已辭職，都要諗諗前路。辭職前係深水埗區議會主席嘅楊彧(圖)，就聯同油尖旺前區議員蕭德健轉去賣嘢，包括賣「香港人清酒」。楊彧同Emily講，佢都希望協助離任區議員，等佢哋繼續地區工作時有啲經濟支持。楊彧透露，目前約有20多個前區議員齊齊賣酒。

最少一成利潤助在囚者進修

今次楊彧賣嘅清酒寫住「香港人」字樣，佢話係將日本品牌引入香港，配上書法家余在思寫上「香港人」題字。雖然團購價要649蚊一支，楊彧就話真係由日本入貨，再運嚟香港改包裝，仲加埋木盒𠻹。佢話今次「企劃」會捐出最少一成利潤，作為一點心意去資助在囚者進修學習。

除咗賣清酒，楊彧透露嚟緊有意同民協啲兄弟一齊開零售店，不過就要再籌備、摸索吓，主要都係想一眾前區議員都有街坊支持、「唔想今次個浪蓋完就消失晒」。

另外，佢自己每周有三日都會見市民，幫街坊量血壓、驗血糖等，盡量希望喺地區工作、家庭需要同自己興趣中取得平衡。

更多港聞

小學概覽出爐 37校設升旗隊 有校「公民訓練課」加國民教育元素 採官方教材

【明報專訊】教育局強調學校需加強國民及國安教育，多間小學在昨日出版的《小學概覽2021》（概覽）提及推行相關教育情况。本報根據概覽統計，全港... 詳情

全港小一班數減40

【明報專訊】移民潮持續，影響未來學校收生。教育局昨稱，參考政府統計處2020年9月發表以2019年為基期的人口推算，2022年居於香港6歲學... 詳情

新編家長課程架構 籲勿自戀式育兒

【明報專訊】疫下家長有較多時間與子女相處，但摩擦或隨之增加。教育局昨推出新編訂的《家長教育課程架構（幼稚園）》，當中點出4種不良育兒模式，建... 詳情