【Emily】邵家臻首探望 初選案吳政亨：有可能囚20年
[2021.08.27] 發表
【明報專訊】47名民主派初選案被告之中，有34人仍還押，包括吳政亨(Gordon，圖)。吳政亨被捕前唔係咁多人認識佢，立法會前議員邵家臻同張超雄噚日就去咗荔枝角收押所探佢，係首次見面同對話。
從事財經 朋友對被捕愕然
邵家臻喺facebook透露，Gordon本身從事財經工作，身邊朋友較少討論政治，所以當佢因「三投三不投」而被捕，成為初選案第五被告嘅時候，身邊人人都愕然。阿臻引述Gordon話，自己嘅處境特殊，若罪名成立，量刑由兩年到20年都有可能，所以既然預測唔到，不如調整心態，坦然面對。Gordon仲話，明白以往認識嘅朋友因工作關係未必能夠入監房探佢，一切都會心領，另外仲多謝屋企人不離不棄、苦樂同行。
獄中讀書寫報告分享
阿臻提到Gordon喺監房無食私飯，而且時常踢毽，所以減磅唔少。佢仲不斷讀書，涉及唔同範疇，由科普到美國政府應對肺炎嘅策略都有，睇完都鍾意寫讀書報告，放喺社交媒體分享。
更多港聞
【明報專訊】高官音樂椅又郁動，土木工程拓展署長劉俊傑會喺10月8日晉升為發展局常任秘書長（工務），接替即將展開退休前休假嘅林世雄。另外，香港...
詳情
相關新聞
