【Emily】副廣播處長馮建業調任產業署長
[2021.08.27] 發表
【明報專訊】高官音樂椅又郁動，土木工程拓展署長劉俊傑會喺10月8日晉升為發展局常任秘書長(工務)，接替即將展開退休前休假嘅林世雄。另外，香港電台副廣播處長馮建業就會喺下月13日出任政府產業署長。至於現任產業署長戴淑嬈下月2日就會出任郵政署長。
馮建業2019年7月起出任港台副廣播處長。Emily問嚟緊邊個接任副廣播處長，政府發言人話會按既定程序安排。
對於劉俊傑嘅任命，公務員事務局長聶德權話佢係資深高級公務員，有豐富工務知識同經驗，仲具備優秀嘅領導同管理才能，有信心佢喺新崗位繼續為市民提供專業高效嘅服務。
至於林世雄，聶德權話佢喺過去35年一直盡忠職守，對於工作熱誠投入，喺基建發展、增加土地供應措施及保育等工作範疇貢獻良多，衷心祝佢退休生活充實愉快。
更多港聞
相關新聞
