【Emily】退役九巴拍賣 禁民族反感用途 車齡18年 每架意向價5萬
[2021.08.21] 發表
【明報專訊】唔少人出入都搭巴士，擁有屬於自己嘅巴士原來不是夢。九巴最近再次推出新一批退役巴士招標出售，一共有21架，全部都係2003年首次登記，即係車齡18年，其中20架係「亞歷山大丹尼士Enviro 500」，仲有一架係「富豪B9TL」，每架巴士意向價係5萬元，有興趣投標嘅話就要喺今個月30號早上10點前入標喇。
除非運署批准 唔能夠喺路上行駛
不過要留意番，根據條款，除非運輸署批准，否則所有巴士都唔會喺香港續牌，唔能夠喺路上行駛，買家亦唔可以將退役巴士重新裝備或組合成為巴士，即使投到架巴士，攞貨時都只能用拖車拖走。
做宣傳唔可以涉政治騷擾歧視
如果想用巴士做宣傳，都要留意番相關限制，根據條款，買家要承諾所有巴士只會用於合法用途，如果退役巴士被用於非法、帶政治性、帶歧視或騷擾性、在種族或民族方面令人反感嘅用途，而令九巴商譽或經濟上有損失，九巴會保留權利向買家追討賠償。
更多港聞
【明報專訊】教協上星期宣布解散，大約200名全職員工就快失業。Emily噚日問過教協總幹事沈偉男，佢話下月中就會遣散所有教協員工，之後會以短...
詳情
【明報專訊】3名中國太空人正喺「天宮」太空站執行任務。內地中通社噚日報道，3名太空人聶海勝、劉伯明和湯洪波下月3日將會同本港青少年實時「天地...
詳情
【Emily】前區議員曾振興離港 稱未儲夠簽證費
【明報專訊】多名民主派區議員上月辭職，唔少人其後都離開香港。屯門區前區議員曾振興前晚喺facebook出post，透露自己已經離開一個月，現... 詳情相關新聞
