【Emily】教協職員「勤勤懇懇」係華叔遺訓 當年訓示基層學生 馮偉華借用讚員工
[2021.08.13] 發表
【明報專訊】教協宣告解散，超過200名職員受影響，教協會長馮偉華日前形容員工「勤勤懇懇」，希望能善待佢哋，發放特惠金。有教協老鬼就話「勤勤懇懇」四字，其實係已故會長司徒華嘅遺訓，話華叔生前要求職員做到勤懇標準，所以呢句話，外人聽唔明，但其實教協上下都記在心裏。
外人聽唔明 教協上下記在心
華叔上世紀60年代開始喺葛量洪師範學院校友會觀塘學校做校長，教協老鬼同Emily講，當年學生都來自基層，好多人小學畢業就要出嚟打工養家，華叔會用8個大字訓示學生，出嚟社會要「勤勤懇懇 老老實實」，呢8個字係華叔嘅口頭禪。返到教協，職員都係大人，華叔對佢哋嘅要求就簡化一啲，只取頭4個字。華叔𠵱家唔喺度，教協都已經保唔住，但教協中人都會將佢嘅遺訓掛喺嘴邊。
教協理事會宣布展開解散程序後，連日嚟教協超市人山人海，會員湧去購物支持，教協要抽調其他部門職員去超市幫手，但由於人太多，會員要輪籌、限購半小時，結果引起一啲會員不滿，更有人同教協職員爭拗。
教協超市人多要輪籌 職員盼體諒
有教協職員同Emily講，職員自己面對失業及擔心遭狙擊，但都按捺情緒，繼續喺崗位工作，如果做得唔好，希望會員體諒。
更多港聞
【Emily】港區人代視像「考察」新疆 「遊」棉花場
【明報專訊】新疆棉、「再教育營」等議題近年惹國際關注，港區人大代表一直提出去新疆考察，之前因疫情未能成行，噚日終於「成事」，原來係改以實時視... 詳情
【Emily】「活化」中環街市8?23開 老字號文青店都有
【明報專訊】中環街市空置多年，復修經歷風雨，喺市建局伙拍華懋集團下活化，終於開放有時。華懋公布中環街市8月23日會開放試業，話項目引入唔同類... 詳情
【Emily】前區議員開補習社 嘆搵舖難過搵真愛
【明報專訊】區議員辭職後，唔少都思考緊轉型。南區前區議員、民主黨徐遠華近日伙拍幾個黨友開補習社，預計9月開學前開業。徐遠華同Emily講，預... 詳情
【Emily】覃德誠任深水埗區會主席 民協內訌
【明報專訊】深水埗區議會噚日補選因民協楊彧辭職而出缺嘅區議會主席之位，最終由民協覃德誠（圖）自動當選。不過，同為民協嘅寶麗區議員麥偉明喺fa... 詳情
【明報專訊】新一份《施政報告》正做公眾諮詢，扶貧委員會委員、工聯會鄧家彪（Bill）噚日向特首林鄭月娥發公開信，叫政府與其打「輿論戰」，不如...
詳情
相關新聞
