【Emily】李永達赴英 民主黨內訌未息 林卓廷批有人擁抱新選制謀「上位」

【明報專訊】民主黨副主席李永達人去咗英國，引發黨內分歧浮面。民主黨中委蘇逸恒日前喺facebook出post，大字標明「#叫人衝 #自己鬆」，獲黨副主席梁翊婷畀like加持。繼還押中嘅民主黨尹兆堅前日託人傳話叫某啲黨友收聲、鬧批評者「契弟」，另一個還押獄中嘅林卓廷噚日接力開火。

林：識李20年 離開定有苦衷

林卓廷叫小編喺fb傳話：「我認識李永達二十年，我相信佢為人，佢嘅離開一定有佢苦衷，正如許智峯走嗰陣我都講過，『去留肝膽兩崑崙』。就嚟係立法會選舉報名嘅日子，我相信民主黨入面會有*****絕少數嘅人*****選擇擁抱『完善』後嘅選舉制度謀求上位，就等佢哋同香港歷史及香港人自己交代啦！」

尹兆堅鬧完「契弟」再發炮：

個黨水深火熱時你哋去咗邊？

噚日再有黨友探尹兆堅，據知佢火氣未消，向黨友再傳話，話咪以為佢哋坐喺入邊就乜嘢都唔知，叫批評阿達嘅黨友唔好打算挑戰佢。阿尹仲叫人去搵涉事人對質，「你算係老幾？你哋班契弟冇達哥帶住當初根本做唔到領導層，依家都未知乜嘢事就沖(衝)出嚟鬧，有冇道義可言？」阿尹又鬧曾出言諷阿達不負責任嘅人，「個黨水深火熱嘅時候你哋去咗邊，頂過啲乜嘢？做咗領導層之後出席過幾多次中委會、會員大會？依家係邊個不負責任？」

更多港聞

【Emily】快必獄中減廿磅：現更快更高更強

【明報專訊】社福界前立法會議員邵家臻噚日出post，講佢同另一前議員張超雄去咗探還押近一年嘅人民力量副主席譚得志（快必）。阿臻話同平日唔同，... 詳情

【Emily】八達通向港隊代表送奧運紀念卡

【明報專訊】東京奧運結束，今屆港隊取得歷來最佳成績，仲留低咗好多精彩嘅比賽片段。八達通卡公司噚日就話，港隊喺各方面都表現出拼搏精神同過人意志... 詳情

【Emily】前區議員余德寶賣畫支援地區工作

【明報專訊】公民黨前成員、上月辭任油尖旺區議員嘅余德寶噚日喺facebook賣畫，話最近畫咗10幅作品，有字、有水彩畫、油畫，佢上載咗5幅，... 詳情