【Emily】林鄭讚「第一」 Sarah：唔好安慰我喇

財政司長陳茂波（右）噚日喺facebook上載同立法會議員張華峰（左）喺健身室睇李慧詩銅牌戰直播嘅相片。張華峰話做運動減肥已有半年，不時喺馬會健身室撞到陳茂波。（陳茂波fb）

【明報專訊】李慧詩(Sarah)噚日喺奧運爭先賽奪得銅牌，唔少官員亦為佢祝賀，特首林鄭月娥噚日出席無綫電視奧運節目，但節目期間未能同Sarah對話，只能喺節目後對談，林太話「你贏咗佢(世界冠軍軒絲)，而且贏得咁大距離，你係第一㗎喇，恭喜你Sarah！」不過Sarah就答「唔好安慰我喇」；林太就笑住回應「唔係安慰你，真係㗎。喺全運會再為你打氣」。林太喺節目話，希望運動員嘅堅毅不屈精神感染更多香港年輕人，要信自己、唔好放棄。

肥老闆健身遇財爺 齊撐Sarah

財政司長陳茂波噚日亦有出post祝賀，不過就令立法會金融服務界議員張華峰(肥老闆)成為焦點，因為財爺相中身處健身室，而企喺佢隔離一齊為Sarah歡呼嘅竟然係肥老闆。

肥老闆同Emily講，佢係去馬會做gym巧遇財爺，噚日一聽Emily查詢佢係咪做運動，即時已反問「你唔覺我瘦咗咩？」透露原來佢上私人健身教練堂已有半年，一星期一次，平時就多啲行路，已減咗6.5kg，準備再減10kg再見人。佢話自己初時跟住教練做sit up、跑步機，「拎啞鈴上上落落」，之後再做器材建立大腿力、手臂力咁樣。佢話，有時都會喺馬會健身室撞到陳茂波做運動㗎。

被問到點解扚起心肝減肥，肥老闆就話「個個叫我肥仔，年紀大咗，要小心啲」。佢滿腹大計，話將來立法會啲委員會有人數上限，咁佢冇咁忙，就可以搵多啲時間做運動。

更多港聞

【Emily】Sarah奪牌前 民記「先賀」包辦金銀銅

【明報專訊】李慧詩（Sarah）噚日喺奧運場地單車女子爭先賽再奪銅牌，喺賽前佢已被視為香港獎牌希望，民建聯喺比賽開始前，已手快快喺faceb... 詳情

【Emily】海園另類五環圖 多謝征奧港將

【明報專訊】東京奧運噚晚閉幕，香港運動員取得佳績。海洋公園噚日喺facebook上載5隻小爪水獺BB擺出奧運五環標誌嘅圖，話可能佢哋都想同參... 詳情

【Emily】AO暑期實習生感言：唔要驚天動地 要做小螺絲

【明報專訊】今年政府政務職系（AO）暑期實習計劃到咗尾聲，有84名就讀本地同非本地大學嘅香港學生，獲安排喺政府28個決策局同部門實習。公務員... 詳情

【Emily】朱順雅探何俊仁：瘦削但精神

【明報專訊】民主黨前主席何俊仁因前年10．1非法集結案判囚18個月，計埋還押嘅日子，至今入獄超過兩個月。民主黨前成員、屯門前區議員朱順雅前日... 詳情

【Emily】林兆彬黃店周五試業 續做社區工作

【明報專訊】油尖旺前區議員林兆彬（Ben）辭職後從商，斥資6位數開黃店賣生活百貨，部分盈利會用來延續社區服務，今個星期五（13號）開始試業。... 詳情