【Emily】用立會開支買梳化 何俊賢歸咎「黑暴」
[2021.08.06] 發表
【明報專訊】民建聯漁農界議員何俊賢早前去咗東龍洲，同中聯辦及漁護署官員齊齊視察魚類養殖區，仲聽咗養殖實習培訓班嘅學員分享，發現學員都有意去大灣區發展。何俊賢話如果香港要到大灣區發展，就一定要爭取中央政府支持，所以今次邀請埋具養魚經驗嘅中聯辦官員同行，話對方睇完都給予正面回應。
另外，有網媒報道話何俊賢上年5月底用咗超過1.3萬立法會營運開支買梳化。何俊賢同Emily講，自己確實買咗張梳化牀，因為當時正值「黑暴」，立法會仍然有法案要審議，「嗰時畀人圍，我唔喺寫字樓瞓喺邊瞓？」
上年5月買 涉款1.3萬
佢又話自己有時都會買錯嘢，所以寧願買貴啲都唔好買錯，「人哋指摘我哋嘅，有則改之，無則加勉」。翻查資料，上年5月疫情期間，基本上已經無乜示威。
更多港聞
【明報專訊】環保署官員上個月喺立法會環境事務委員會上，被問到點樣推算出全港有1800至3300隻野豬，署方最近以書面向立法會提交補充回覆，原...
詳情
相關新聞
