【Emily】新民黨甘文峰做過競技體操國際裁判
[2021.07.30] 發表
【明報專訊】日本19歲體操選手橋本大輝喺東奧體操男子個人全能決賽擊敗中國隊同俄羅斯奧委會代表奪金，內地網民批評評判裁決不公，因為橋本喺跳馬項目落地唔穩同踏出界，仍有14.7分。新民黨甘文鋒喺facebook話，有人批評分數過高令中國輸咗呢面金牌嘅評論有啲誇張，仲詳細解釋判決，介紹跳馬項目點評分及佢自己會點畀分，認為分數係合理範圍內。
hashtag #唔識唔好亂評
甘文鋒落咗hashtag「#講體育都要專業 #唔識唔好亂評論」。咁佢係咪真係識先！原來佢係男子競技體操前國際裁判，現時係體操總會執委，又擔任跑酷(Parkour)技術委員會召集人，專注喺香港推廣跑酷。
甘文鋒同Emily講，hashtag無針對任何人，希望大家可以花多啲時間了解先再批評。佢話喺中學開始玩彈網，之後考咗彈網國際裁判，大學時期就開始考其他體操項目嘅國際裁判，最高峰時同時擁有男子競技體操、彈網、藝術體操及健美體操嘅國際裁判資格。
更多港聞
【明報專訊】民建聯成員、教聯會副主席、培僑中學教師穆家駿批評羽毛球港將伍家朗嘅球衣風波繼續發酵。北角餐廳「人人和平小飯店」發出「譴責穆家駿和...
詳情
相關新聞
