【Emily】前線．焦點2020 《明報》攝記贏7獎
[2021.05.03] 發表
【明報專訊】香港攝影記者協會「前線．焦點2020」周年新聞攝影比賽結果噚日出爐，唔少得獎相片同疫情或實施《港區國安法》有關。《明報》同事贏得7個獎，包括1亞、1季、5優異，其中攝記馮凱鍵喺去年9月6日網民發起遊行要求政府恢復選舉，拍低一對小兄妹畀警員截停，相片喺「突發新聞」組別贏得季軍，同一張相今年已取得4個不同攝影獎。阿鍵另一作品今次亦獲特寫組亞軍。
明報其他得獎作品包括攝記鍾林枝喺去年初因為疫情出現「廁紙荒」時，影低超市貨架清空情况，獲頒「一般新聞組」優異獎；另一攝記曾憲宗去年9月喺大帽山郊野公園，影到郊遊嘅市民遇上野豬「一家大細」出沒，獲得「自然與環境」組別優異獎。攝記鄧宗弘嘅作品，同喺「自然與環境」組別獲優異獎。Emily恭喜得獎同事，亦多謝讀者嘅支持同鼓勵！
更多港聞
【明報專訊】港台《議事論事》節目安排日前惹嚟爭議，根據報道，4月29日一集節目原本題目係討論「假新聞」議題，但港台其後換題目。有傳媒引述消息...
詳情
【明報專訊】2019年反修例事件後，投訴教師專業操守大幅增加。教育局去年5月更新學校聘任教師時須注意事項，包括學校聘任教師時應向教育局申請取...
詳情
相關新聞
