【Emily】憶執行李 羅冠聰：100%自由旗幟最有價值
[2021.04.22] 發表
【明報專訊】立法會前議員羅冠聰去年喺《港區國安法》生效前流亡英國，近日獲批政治庇護。佢早前接受有線新聞專訪，憶述當日離開只係帶走一個背囊、一個行李箱，最有價值嘅嘢就係香港眾志製作、向台灣《自由時代周刊》創辦人鄭南榕致敬嘅「100%自由」旗幟。阿聰解釋，去年大家都知國安法條文非常辣，言論自由完全不受保障，需要國際上有聲音為港人發聲，喺呢個想法下決定離開。
阿聰離港後接受外媒訪問、出席座談會以「打國際線」，甚至疑因此被通緝，佢話喺外國做嘅事未能立竿見影、令香港政局有180度轉變，但希望持續令香港議題發酵、得到國際關注，「如果我喺海外嘅工作得不到認可、大家認為冇乜功用，我被遺忘係非常合理」。
認「國際線」難立竿見影
人大修改香港選舉制度，回想當日參與佔領運動、拒絕「人大8．31方案」，阿聰話當時拒絕「袋住先」係民意彰顯，而「袋住先」同現時嘅選舉方案都係北京欽點嘅制度，明言對此冇後悔。
更多港聞
【明報專訊】全國人大常委會去年8月作《決定》，延長第六屆立法會繼續履職不少於一年，至第七屆立法會選舉為止，民主派總辭；41名建制派議員、醫學...
詳情
【明報專訊】為響應「世界閱讀日」，香港公共圖書館以「探索閱讀新領域」為主題推出多個活動，包括明天起陸續上載「走讀香港歷史建築」系列影片至康文...
詳情
相關新聞
