【Emily】吳秋北轟地產霸權 石禮謙批活喺60年代

【明報專訊】國務院副總理韓正喺兩會期間表明關注香港嘅房屋問題。工聯會會長吳秋北前日喺報章撰文，認為香港只係住宅土地開發不足，「地產霸權打手和文宣用盡各種藉口、名堂阻止住宅土地開發」，為每塊土地搵一個唔可以起樓嘅理由，形容係地產霸權壓抑住宅供應嘅手段，「以讓他們(霸權)繼續吸血而已」。地產及建造界立法會議員石禮謙噚日就奉勸吳秋北多了解現况，指房屋問題源於政府政策。

石：單指控地產商係文革式批評

吳秋北喺文章批評政府將土地嘅使用、開發等權利放手畀地產商，令土地價值只被極少數人佔有，實在有失職之嫌。石禮謙同Emily講，𠵱家已經冇所謂嘅地產霸權，指吳秋北仲活喺上世紀50、60年代，「地產仲邊有霸權？如果佢要用霸權呢兩個字，土地控制者就係政府」。石回覆其他傳媒時，認為單指控地產商，只係「文革」式嘅批評，無法解決問題。

工聯會鄧家彪噚日喺facebook不點名回應，佢話當一小撮人佔據社會多數財富、窒礙多數人嘅發展機會，咁就當然要聚焦處理問題，「𠵱家係講土地改革，唔係文革呀」。

更多港聞

【Emily】湯家驊點名民主黨有機會「跑出」

【明報專訊】人大修改香港選舉制度，外界關注日後民主派仲可唔可以「入閘」參選。行政會議成員、資深大律師湯家驊噚日喺《文匯報》嘅訪問，話香港要有... 詳情

【Emily】13地點推「城市景昔」 AR穿越睇歷史圖像

【明報專訊】疫情下市民仲未可以出外旅遊，政府就話會為旅客重臨做好準備。旅遊事務署噚日推出「城市景昔」項目，喺中環、尖沙嘴13個指定地點，利用... 詳情

【Emily】區議員張國昌 家庭原因退出民主黨

【明報專訊】東區區議員張國昌退出民主黨，佢回覆查詢時話，係因為家庭原因退黨，被問係咪同《港區國安法》或區議員宣誓有關，佢話冇補充。張國昌退黨... 詳情

【Emily】藝術館百幅藏品影像 港鐵站展示

【明報專訊】大家喺港鐵站除咗睇到廣告外，仲有藝術品睇。港鐵即日起喺車站大堂或月台，擺放100幅香港藝術館嘅大型藏品影像畀市民近距離欣賞，包括... 詳情

教局派員入DSE審題會 考評局：無損獨立性

【明報專訊】去年中學文憑試（DSE）歷史科試題軒然大波，事後考評局提多項改善擬題措施，包括教育局派課程人員任審題委員會當然委員。月初上任考評... 詳情