【Emily】藝術館百幅藏品影像 港鐵站展示
[2021.03.26] 發表
【明報專訊】大家喺港鐵站除咗睇到廣告外,仲有藝術品睇。港鐵即日起喺車站大堂或月台,擺放100幅香港藝術館嘅大型藏品影像畀市民近距離欣賞,包括藝壇大師黃永玉、吳冠中及趙無極嘅名作。今次係香港藝術館之友以「我們的?藝術館」為題舉辦嘅全城藝術推廣活動,喺18區展示香港藝術館藏品影像。
「我們的.藝術館」即日起至5月23日期間,大家可於各區超過450個室內及室外公共空間嘅廣告牌、電子顯示屏幕同交通交匯處,欣賞香港藝術館內嘅100件藏品,讓藝術走遍全港,融入社區,展示嘅包括中國文物、中國書畫、外銷藝術同現代香港藝術。港鐵係其中一個支持機構。
港鐵話,乘客可透過「我們的?藝術館」專屬應用程式中嘅擴增實境(AR)功能,發掘其中10幅影像生動嘅一面,呢啲藏品影像分別置於香港站、啟德站、葵芳站、荔景站等。
更多港聞
相關新聞