【Emily】確診者配對基金 自由黨接64申請
[2021.02.08] 發表
【明報專訊】疫情持續，對唔少手停口停嘅打工仔影響好大，自由黨舊年11月宣布，佢哋嘅「關懷基金」撥出200萬元，向獲得政府確診者津貼5000元嘅航運交通業、飲食業、零售及批發界、紡織及製衣業界從業員再提供4000元補貼，名額暫定500個，其後又將配對基金擴至所有行業，佢哋噚日話至今收到64宗申請。
自由黨話截至前日(6號)共收到64宗申請，當中59宗已獲接納審批，申請個案嚟自飲食業最多，有兩成，其次係建造業、運輸同物流業等。
59宗已獲接納審批
自由黨主席張宇人話，希望自由黨關懷基金可以作為業界救急扶危嘅應急錢，除咗自由黨4個功能界別議員涉獵嘅行業，亦延至其他行業，冀喺疫情下出一分力幫助基層。
自由黨話，如果申請人數不幸超出500，基金亦會盡力籌集更多資金。
更多港聞
全日課無期 6.3萬學生失免費午餐 稱教局「帶餐盒回家」建議暫難行 校長倡改派飯券
【明報專訊】教育局2011年起推「在校免費午膳」計劃，向學校撥款，為合資格基層小學生代繳午膳費用，此批學生本學年預算6.3萬人。不過疫情下停... 詳情
【明報專訊】在英國，學校同樣因疫情一度停課。曼聯球星拉舒福特（Marcus Rashford）去年6月發起網上運動，呼籲政府在暑假續派英國校...
詳情
相關新聞
