【Emily】葉劉提新疆紅星駁種族滅絕論 外媒記者紛狠批：卑鄙嘅推文

葉太喺Twitter上載新疆女星迪麗熱巴嘅照片，質疑新疆點會有種族滅絕。其言論惹來多名外媒記者批評，其中法新社港澳台分區主編 Jerome Taylor轉發葉太嘅推文，揶揄話「因為新疆出咗個明星，就唔可能有人道罪行」（上圖）。《經濟學人》記者Don Weinland亦批評葉劉淑儀有關新疆嘅推文極為卑鄙（下圖）。

【明報專訊】行政會議成員、新民黨主席葉劉淑儀噚日喺Twitter發文，話美國指控中國喺新疆進行種族滅絕，但喺新疆出生嘅迪麗熱巴(Dilraba Dilmurat)係中國目前最紅明星之一，而迪麗熱巴唔係新疆唯一嘅成功故事，葉太質疑：「何來種族滅絕？」此番言論一石激起千層浪，惹來多間外媒嘅記者批評，有記者直斥言論「可能係世界上最卑鄙嘅推文」。

外媒反諷：Jimi Hendrix紅

證60年代美國沒歧視

美國前國務卿蓬佩奧離任前發聲明，指中國打壓新疆維吾爾族與其他少數民族的作為，構成「種族滅絕」。葉太喺Twitter上載迪麗熱巴嘅相片，反駁有關言論。路透社國際新聞編輯Gerry Doyle轉發推文，學葉太嘅邏輯咁講，話黑人音樂人Jimi Hendrix係1960年代最紅嘅音樂人之一，「證明60年代美國冇種族歧視」；《經濟學人》記者Don Weinland揶揄葉太「講得好」，批評言論極為卑鄙；法新社港澳台分區主編Jerome Taylor都加把口，揶揄「因為新疆出咗個明星，就唔可能有人道罪行」。立法會前議員、人民力量陳志全(慢必)就喺facebook形容講法係神邏輯。慢必早年公開出櫃，佢轉發有關報道，並反諷話「慢必都可以當選立法會議員，香港何來性傾向歧視？」

更多港聞

【Emily】歸因反修例風波 卿姐引述港大教授：收生不及中大

【明報專訊】中文大學最近接連有學生被捕，教育界亦成為被整頓目標，中大畢業嘅民主黨副主席林卓廷，噚日接受黨友劉慧卿主持嘅網台節目《議會內外》訪... 詳情

【Emily】謝偉俊變大廚 「民意口味大全」贈財爺

【明報專訊】財政預算案正諮詢公眾，財政司長陳茂波早前就化身大廚拍預算案廣告，希望聽大家意見。唔知係咪要呼應財爺，噚日立法會議員謝偉俊同創建力... 詳情

【Emily】扣除初選兩日 民主派議辦獲發7月開支

【明報專訊】民主派區議員去年7月11、12日借出議員辦事處做泛民初選票站，事後遲遲未獲發還當月議辦開支。Emily聽聞陸續有區議員獲發還7月... 詳情

【Emily】中聯辦新春酒會改網上舉行

【明報專訊】唔少社團每年都會舉辦新春酒會，最大型之一嘅係中聯辦舉辦嘅酒會，每年出席酒會人數都過千，冠蓋雲集之餘，中聯辦主任亦會致辭。不過本港... 詳情

【Emily】私人執業律師可申海牙短工 月津5萬

【明報專訊】疫情下唔少人都希望出國唞吓氣，法律界𠵱家就有機會去荷蘭海牙。律政司長鄭若驊噚日就借調計劃發表網誌，喺香港公營機構工作或私人執業... 詳情