【Emily】首嘗競步訓練 視障者愛上運動
[2020.11.30] 發表
【明報專訊】視障者要跑步都唔係一件簡單事，有團體近日就舉辦香港首個專為視障者而設嘅競走訓練課程「競步人生訓練計劃」，希望鼓勵視障者做運動之餘，亦促進傷健共融。
呢個課程由香港愛樂盟扶輪社聯同不倒翁共融運動協會舉辦，喺11月7日至12月12日期間，為15個視障者提供6節競步訓練，由香港業餘田徑總會二級專項教練(競走)楊文駿教練執教，有22個分別嚟自愛樂盟及不倒翁嘅領路員參與。
落堂抽筋不怕 自覺更應多運動
多個視障學員上完第一課訓練後都話，佢哋過去好少做運動，競步訓練令佢哋對運動嘅興趣大增，亦發現自己原來可以掌握競步技巧，對運動多咗信心。其中一個學員分享落堂後小腿有啲抽筋，但完全無因為咁而打擊繼續訓練嘅動力，反而察覺自己應多做運動。
更多港聞
【明報專訊】高中通識教育文憑試（DSE）未來不再設1至5** 評級，只餘及格不及格。目前DSE通識5**於英國大學及院校招生事務處（UCAS...
詳情
【明報專訊】通識教育科面臨課時削半、課程修訂，教局政助施俊輝昨於網上專欄「局中人語」撰文稱，相信通識科教師有能力應對新挑戰，教局會舉辦研討會...
詳情
相關新聞
