【Emily】林卓廷玩「打錯我的名字Challenge」：何君堯告誹謗 答辯人林「桌」廷
[2020.11.30] 發表
【明報專訊】近日facebook唔少人都玩「打錯我的名字Challenge」，唔少政圈中人都玩埋一份。民主黨林卓廷就曾經被寫錯「林桌廷」！原來，立法會議員何君堯去年告阿廷誹謗，點知喺法庭文件將答辯人寫錯做「林桌廷」，阿廷仲自嘲英文名係「Table Lam」𠻹。
立法會前議員羅冠聰就喺facebook話畀人叫錯過「羅冠中、羅貫中、羅冠聽、羅貫聰、黄貫中」。
吳敏兒姓Ng變Angie
唔少區議員就曾被寫錯做其他政界人物，深水埗區議員劉偉聰話自己變咗前警務處長「盧偉聰」；西貢區議員鄭仲文出post強調自己唔係沙田區議員鄭仲恆、鄭則文。
職工盟主席吳敏兒試過被寫錯英文姓氏，更係由姓「Ng」變咗做「Angie」。話說佢過去打過唔少工運官司，有次去到英國嘅法庭，竟然有職員叫佢做「Miss Angie」，原來律師樓同事串「N-G」畀對方聽，點知對方以為吳敏兒姓氏係「Angie」。
俊賢國慶晚會請柬寫傻賢
至於建制派，工聯會陸頌雄就畀人寫錯過「陸俊雄」、「陸仲雄」、「駱頌雄」，除咗呢啲名之外，連佢辦事處職員都曾經打錯佢做「陸頒雄」。另外，雖然民建聯何俊賢冇加入玩，但翻查資料，3年前香港南區各界慶祝國慶68周年聯歡晚會請柬上，佢就被打錯做「何傻賢」，當時何俊賢同Emily講，人生中總會有錯誤，唔會責怪對方。
更多港聞
【Emily】守護大嶼「賽事」 划舟3日2夜繞島一圈
【明報專訊】立法會財委會上周五開始審議「明日大嶼」前期研究撥款，近日除咗主流環團、民間組織表明反對呢個項目，亦有行山市民本月初自發搞咗場虛擬... 詳情
【明報專訊】前香港眾志成員黃之鋒、林朗彥同周庭，因去年6．21包圍灣仔警察總部，被控煽惑他人參與未經批准集結等罪，上周認罪，還押至周三（12...
詳情
【明報專訊】去年反修例風波期間，唔少年輕人被捕甚至遭檢控，特首林鄭月娥喺《施政報告》提及，18歲以下有悔意、唔係涉及嚴重罪行嘅被捕者，警方願...
詳情
【明報專訊】部分中大校友、學生都笑稱中大為「暴大」，不過都有唔少校友對此不滿，好似中大英文系畢業嘅工聯會立法會議員麥美娟，日前就向中大校長段...
詳情
相關新聞
