【Emily】唔畀區會傾歷史館 政府：係全港設施
[2020.11.18] 發表
【明報專訊】今屆區議會，唔少區議員提交嘅文件、議案都被指不符《區議會條例》，不被納入議程。油尖旺區議員陳嘉朗噚日話，早前向區議會地區設施管理委員會提交文件，要求關注香港歷史博物館「香港故事」閉館、餐廳停標問題等，噚日開會時被署方拒絕，指歷史博物館係「全港性設施」，並非油尖旺地區層面事宜。
區議員質疑：點解上屆得𠵱家唔得
陳嘉朗質疑，去年3月上屆區議會康文署曾經提交文件，討論科學館及歷史博物館嘅擴建計劃，「為何當時可以討論香港歷史博物館，現時就不能？」佢同Emily講，議程並唔係政治爭議嘢，好多人對於被指不符《區議會條例》都「搲爆頭」，甚至話有建制派私下都認為討論冇問題，質疑如果區內圖書館有其他區讀者，係咪又會被視為「全港性設施」。佢話噚日因為太趕，就算可以討論議程，都邀請唔到收藏家代表列席，所以叫民政總署諗清楚、當成待議事項。
民政事務總署回應時都係話，由於有關內容並非油尖旺地區層面事宜，徵詢相關部門意見後，對其屬於《區議會條例》第61條所述嘅區議會職能有保留。
更多港聞
【Emily】憶港英時代 譚惠珠自揭花名「西珠」
【明報專訊】香港基本法委員會前主任喬曉陽噚日參加《基本法》頒布30周年法律高峰論壇，主持對談，嘉賓有前律政司長梁愛詩、港澳辦前副主任馮巍、基... 詳情
【Emily】4隻「新移民」貓咪 檢疫完等你領養
【明報專訊】疫情下唔少人好耐都無搭過飛機，不過有4隻貓今年就由土耳其搭飛機嚟咗香港，仲打算正式「移民」。話說7月，有人喺一架由土耳其來港嘅貨... 詳情
【Emily】中大推網上體驗 籲擦走精神病污名
【明報專訊】社會有好多資訊提醒大家保持心理健康，但就較少提及精神病污名問題。中大「賽馬會心導遊計劃」推出網上體驗旅程，參加者可以用唔同清潔用... 詳情
【明報專訊】近年大專院校陸續開展大型人才招聘計劃，繼浸會大學早前推展「人才100」計劃，香港大學昨日宣布正式啓動全球招聘學術人才計劃（下稱「...
詳情
相關新聞
