【Emily】EQ促跟進立法禁辱公僕
[2020.10.20] 發表
【明報專訊】立法會公務員及資助機構員工事務委員會噚日開會，討論本年度處理事項，民建聯葛珮帆(EQ)會上表示，希望跟進吓立法禁止侮辱公職人員議題，多名民主派都相當關注，工黨張超雄就話，如果要立法禁侮辱公職人員，應該討論埋立法禁止公職人員侮辱市民，「因為人人平等，如果有人侮辱公職人員，係唔啱；如果有公職人員侮辱市民，都唔啱」；超雄又建議，公務員被稱為「公僕」，應該效忠港人，希望公務員宣誓內容加入「效忠香港人」。
民主黨林卓廷問EQ可否澄清吓，因為立法會議員都係公職人員，「民建聯喺街畀人鬧，係咪會跌落建議(條例)？」EQ對於質疑相當勞氣，佢話已經討論多次立法禁止侮辱公職人員事宜，佢只係提出繼續跟進，唔係突然提出議題，鬧民主派議員「你唔做功課，又冇提議、又唔畀人提議，個會唔使開落去呀」。
張超雄：應討論埋禁辱市民
此外，香港本土毛孟靜建議要討論釐清港台嘅公務員身分，因為港台係政府部門，但亦係公共廣播，有運作約章、強調編輯自主，如果上頭話電視節目唔准出、訪問要取消，「(港台)聽邊個？又話編輯自主？」
更多港聞
【明報專訊】特首林鄭月娥接受多間傳媒訪問，透露自己嘅職場生涯原來都有被挖角經驗。佢喺《商報》訪問中提到入政府40年，曾經有「出面人招手」，希...
詳情
【明報專訊】黃大仙祠明年創立100年，嗇色園話會舉行一系列活動，並會推出限量發行3000枚100周年紀念金吊墜、500套紀念金銀章套裝及10...
詳情
【明報專訊】反修例運動期間多次出聲明譴責「暴徒」嘅警察隊員佐級協會主席林志偉，獲頒「香港警察榮譽獎章」。佢早前接受中通社專訪，話對獲獎感到欣...
詳情
【Emily】「啦啦仔」Larry當選港運會吉祥物
【明報專訊】第八屆全港運動會明年開始選拔運動員，大會設計咗3組吉祥物畀市民投票，投票總數逾3000票，最終由「啦啦仔」獲最高票數當選吉祥物，... 詳情
相關新聞
