【Emily】民政專員話不符職能 區議員提商港康碼 泛民唔得建制無事
[2020.10.13] 發表
【明報專訊】今屆區議會唔少議題被指不符區議會職能，但準則如何判斷受質疑。九龍城區議員李軒朗噚日上載該區民政事務專員信件，指有5份民主派提出嘅文件內容不符區議會職能，包括「反對港康碼」，佢質疑，建制派提出討論《施政報告》，亦有提健康碼等政策，又被視為符合討論範圍；李軒朗同Emily講，民政專員做嘢應該一致啲，𠵱家係「擺明車馬話畀人聽出cheat」。
專員信中指泛民提出嘅區議會文件，包括討論通識科、協助12港人、要求制訂《動物保護法》、要求教育局撤回取消教師註冊決定、反對「港康碼」，都不符合《區議會條例》中嘅區議會職能，要求區會主席蕭亮聲慎重審視，否則政府部門人員唔會出席及參與討論。
不過，Emily獲得當區建制派提交對施政報告期望嘅文件，當中提及要盡快推「港康碼」，以至要求政府設「失業援助金」、要求政府派錢等；民政專員就未有話不符《區議會條例》。
14九龍城區議員聯署
促剔除鄧炳強到訪議程
此外，14名九龍城區議員聯署，話獲悉警務處長鄧炳強將列席區議會會議，批評佢到訪其他區議會時不斷重複既有論調，拒絕聆聽、回應區議員質詢，稱拒絕浪費時間配合鄧炳強上演「政治樣板戲」，促請主席剔除有關議程。
更多港聞
【Emily】歷史館「香港故事」展 擬增回歸後時段內容
【明報專訊】香港歷史博物館常設展覽「香港故事」下周一（19日）起要暫時關閉作更新工程，連日嚟好多人趕去參觀，唔少人話擔心唔知博物館翻新後會變... 詳情
【Emily】陳凱欣煮龍蝦 何俊賢笑城市妹未夠經驗
【明報專訊】立法會前議員陳凱欣、民建聯漁農界議員何俊賢除咗平日講吓政府政策外，仲傾吓下廚樂，不過何俊賢就笑陳凱欣「城市妹」煮海鮮未夠經驗。話... 詳情
黃大仙98%校參加幼教計劃 灣仔九龍城過半無入
【明報專訊】幼稚園陸續開始收生，教育局昨發布「幼稚園及幼稚園暨幼兒中心概覽2020/21學年」網上版，涵蓋約1050間幼稚園。本學年有逾七成... 詳情
相關新聞
