囚犯掃把柄綁兩水桶 製土炮槓鈴

【明報專訊】荔枝角收押所裏，囚犯將掃把柄綁住兩個水桶，製成土炮「槓鈴」。服刑近4年的阿烈形容，獄中健身者都是「徒手健身專家」，大部分時間只能用自身體重練習，他們亦會化腐朽為神奇，將獄中物品變成健身器械，但只能偷偷使用，免被懲教人員沒收。

偷偷使用 職員發現會沒收

監獄裏缺乏健身器材，阿烈通常只能做掌上壓及深蹲；囚友們有時會利用工作中接觸到的重物練習，或以玻璃瓶當作健身滾輪，「試過搵一啲掃把嘅柄，綁上兩個水桶，變咗出面嗰啲槓鈴」。他說，獄中並不容許囚犯用物件健身，「試過有個阿sir知道我哋舉水桶，水桶有個柄勾住，佢拆咗個柄，得番個桶」，後來他跟一些囚友偷偷練習舉水桶，是他第一個練習的健身動作，「揸住兩邊係咁向上拉，我唔知做緊咩㗎，初頭廿下就好攰，舉舉吓就40幾下、60幾下，跟住就變咗過百下」。

外籍囚友啟蒙 再讀書自學

本來身形瘦削的阿烈對健身毫無認識，他慶幸在獄中遇上一名外籍健身教練囚友，「佢喺裏面成日帶住啲人操嘢，係第一個人灌輸我正確健身知識，啲動作做得啱唔啱呀，做幾快做幾慢，佢都inspire(啟發)我做健身教練真係一份工嚟」。「教練」其後轉倉，阿烈就透過閱讀書籍繼續學習健身。回望獄中日子，他當時覺得健身純粹是環境逼出來的興趣，「如果唔係坐監，我冇諗過自己會鍾意健身，都冇諗過自己會做埋健身教練，所以世事自有安排」。

更多港聞

童黨涉欺凌掌摑女生 警拘4人

【明報專訊】香港仔石排灣邨發生童黨欺凌事件。網上片段所見，多名年輕男女在公園聚集，其中一名穿校服女生掌摑另一女生，在場其他人即起哄歡呼。警方... 詳情

輕鐵兆康站出軌

【明報專訊】一列載有約20名乘客的610線輕鐵列車，昨晚8時許駛進屯門兆康站1號月台時，車尾轉向架車輪經過道岔時偏離路軌，無人受傷，輕鐵部分... 詳情

童黨涉欺凌掌摑女生 警拘4人

【明報專訊】香港仔石排灣邨發生童黨欺凌事件。網上片段所見，多名年輕男女在公園聚集，其中一名穿校服女生掌摑另一女生，在場其他人即起哄歡呼。警方... 詳情

輕鐵兆康站出軌

【明報專訊】一列載有約20名乘客的610線輕鐵列車，昨晚8時許駛進屯門兆康站1號月台時，車尾轉向架車輪經過道岔時偏離路軌，無人受傷，輕鐵部分... 詳情