【Emily】青民搞眼睛去旅行投票
[2020.08.28] 發表
【明報專訊】疫情下全球好多地方實施出入境限制，呢段時間都難以出行。青年民建聯就搞搞新意思，準備帶大家「眼睛去旅行」，喺facebook叫人投票，西藏、四川同雲南之中，最想去邊度。
青民主席施永泰同Emily講，8月31日中午截止投票，青民會喺9月邀請資深旅遊人士同大家講解當地見聞、風土人情、有趣文化，分享短片同圖片，等大家足不出戶都可以用「眼睛去旅行」。佢提到，因為疫情下搞唔到線下活動，要跳出框框諗多啲新意思。不過網民投票唔算踴躍，去到噚晚有約50個人畀反應，最高票數嘅係西藏；本身係民建聯成員嘅財經事務及庫務局政治助理葉俊廉都投咗西藏一票。
更多港聞
相關新聞
