【Emily】「立會幾廢仍礙民情」 區諾軒籲勿棄議會

【明報專訊】民主派近日激辯究竟應否接受延任做多一年議員，立法會前議員區諾軒(區軒)噚日喺facebook發文，話「以僅餘嘅政治生命，就留守議會說最後一次話」，佢認為立法會無論有幾廢，仍然會影響社會民情，如果全面放棄議會，就會壓縮整個民主陣營嘅發揮，又指破局唔等於民主派唔應循一切手段維護市民，但話現任議員唔係個個有抗爭到底嘅決心。面對議員去留爭議，佢提醒不論觀點，唔使將話講太盡，因為呢啲時刻往往導致關係返唔到轉頭。

立法會前議員李卓人(人哥)同黃毓民噚日喺港台《視點31》亦激辯民主派去留，毓民話留守議會戰線係無恥、「食人血饅頭」，係為咗着數留任。佢一再強調民主派𠵱家唔係「總辭」，因為第六屆任期應該係去到9月30日，𠵱家係「拒絕委任」。

黃毓民：現在非總辭 而是拒委任

李卓人：黃講唔到之後策略 做議員係犧牲

認為民主派應該留任嘅人哥就批評，毓民講唔到民主派走咗之後點樣、有咩策略繼續做抗爭，又強調入去做議員係犧牲，分分鐘被拉，好多人孭咗好多條刑事罪，無着數。同場嘅香港民意研究所副行政總裁鍾劍華相信，即使做民調，民意都唔會有一面倒傾向，但佢認為現時處境唔能夠完全放棄議會戰線。

更多港聞

【Emily】陳志全多謝朱凱廸破僵局

【明報專訊】立法會任期將延任至少一年，人民力量陳志全（慢必）噚日宣布，自己傾向唔留任，因為覺得未來一年無民意授權。佢話熱血公民鄭松泰仲走去問... 詳情

【Emily】8·28內會商疫情 張建宗允出席

【明報專訊】疫情持續，立法會內務委員會下周五（28日）下晝開特別會議，討論疫情下點樣支持市民、健康碼等問題。內會主席、民建聯李慧琼（Star... 詳情

【Emily】制裁前匯豐承按 鄧炳強物業轉中銀按揭

【明報專訊】警務處一哥鄧炳強由2002年開始買樓投資，2017年3月以625萬元買入香港仔置富花園富華苑一單位，同年5月由匯豐銀行承按。美國... 詳情

【Emily】何君堯倡強制檢測 爭10月通關

【明報專訊】政府將推出普及自願新冠病毒檢測，建制派議員何君堯噚日批評自願檢測效果唔理想，「啱啱驗完，又走出社區」，再受感染會勞民傷財。佢建議... 詳情