【Emily】制裁前匯豐承按 鄧炳強物業轉中銀按揭
[2020.08.19] 發表
【明報專訊】警務處一哥鄧炳強由2002年開始買樓投資，2017年3月以625萬元買入香港仔置富花園富華苑一單位，同年5月由匯豐銀行承按。美國喺本月7號宣布制裁名單，禁止商業及金融機構包括銀行同被制裁者生意往來，鄧炳強「榜上有名」，令人關注佢喺美國制裁下會受咩影響。
不過，根據土地註冊處文件，原來鄧炳強喺8月4號，即係美國宣布制裁名單前3日，向匯豐銀行還清按揭，同日再將物業向中銀香港承按。由於兩份按揭文件都只顯示「ALL MONEYS」，即係無限額或不定額，外界無法得知實際按揭金額。
警：個人消費選擇 無關制裁
睇番鄧炳強日前接受《經濟日報》嘅專訪，佢承認美國宣布制裁後遭局部暫停銀行服務，雖感不便，但對比維護國家安全係微不足道。警方發言人回應話，置富嘅單位屬警務處長自用，而銀行服務嘅取捨純粹係個人消費選擇，與制裁無關。處長重申，維護國家及香港安全是其責任同榮譽，外國制裁對佢嚟講無意義，佢會繼續專心做好維護國家及香港安全嘅工作。
更多港聞
相關新聞
