【Emily】劍指立會議員 湯家驊促「港第一筍工」齊減薪
[2020.04.09] 發表
【明報專訊】政府回覆有關議員就《財政預算案》嘅提問，特首林鄭月娥同問責班子喺「疫境」加薪，惹來好多不滿聲音，唔同政黨都要求林太同班子減薪；林太噚日亦宣布咗佢個班子會減薪一成一年。行政會議成員、資深大律師湯家驊(Ronny)就認為立法會議員都應該一齊減薪，話除咗有部分建制派議員響應捐人工，其他議員都無動於中，又話議員已經停止立法工作多個月、有失職守，並批評議員要官員減薪，自己又唔同選民共渡時艱，係雙重標準。
政府早前澄清，加薪係根據通脹按年調整，調整日期係去年7月1日，並唔係現時立法會審議預算案時申請加薪；但政黨同市民似乎唔收貨，一直要求林太同問責班子減薪。
Ronny噚日喺facebook發文，批評「點解從來無人問立法會議員係咪要減薪？」曾經擔任立法會議員嘅Ronny形容，「立法會議員確係香港第一筍工，人工高不在話下，批評官員加薪卻從不提及自己去年也有加薪」。
泛民駁「議員係民選你唔係」
有泛民留言反駁Ronny，其中民主黨吳永輝話，「立法會議員係民選，你個位唔係。你可以派幾個出來選(你都派過，不過輸晒)」。佢話政府表現惡劣，所以立法會要求特首辭職，仲反問Ronny：「你係咪支持特首同行政會議集體請辭呢？」
更多港聞
【Emily】黑臉琵鷺來港數量少咗 去台灣大升
【明報專訊】瀕危物種黑臉琵鷺每年都嚟香港過冬，香港觀鳥會噚日公布「黑臉琵鷺全球同步普查2020」結果，全球錄得嘅黑臉琵鷺數目係歷年最多，有超... 詳情
【Emily】譚志源腰肥10磅求教 方力申促膠紙封嘴
【明報專訊】疫情令唔少市民近月都長時間留喺屋企，無乜機會外出做運動。賽馬會公司事務執行總監、政制及內地事務局前局長譚志源話，自己少咗好多運動... 詳情
【明報專訊】今年1至2月科學園有11家租戶退租，科技園主席查毅超認為屬正常輪換，並稱現仍有輪候進入園區的申請隊伍。科技園早前撥出大埔工業邨8...
詳情
相關新聞
