【Emily】社民連工黨擬今遊行 警強烈勸喻取消
[2020.04.08] 發表
【明報專訊】社民連同工黨計劃今日由中環匯豐總行遊行到禮賓府，抗議特首林鄭月娥同問責官員喺疫情下無恥加薪，以及要求政府立即設立「失業援助金」，為受疫情影響而失業、開工不足、被迫放無薪假嘅僱員提供財政支援。警方向社民連主席黃浩銘發信， 「強烈勸籲(喻)」佢哋取消行動，以免犯「4人限聚令」。
新冠肺炎疫情持續，政府早前推「限聚令」，限制市民4人以上聚會以減少社交接觸，違者可被票控或檢控。警方喺信中話，疫情嚴峻，公眾集會係高危活動，會對參加者同其他市民嘅健康構成風險同威脅，指主辦方亦有可能要負上刑事責任，「強烈勸籲」社民連取消有關活動。黃浩銘回應話，佢亦強烈勸喻警方唔好妨礙佢哋行使根據《基本法》第27條列明嘅集會遊行自由。
更多港聞
【明報專訊】立法會噚日舉行特別財委會，早前路透社引消息話有4000名內地武警到港參與警方前線工作，議會陣線朱凱廸質疑，如果警務處委任內地武警...
詳情
相關新聞
