【Emily】高官社區派物資 羅致光戴口罩

勞福局長羅致光（左）前日戴住口罩落區，中止咗自己由大年初一開始無用過口罩嘅「紀錄」。（政府新聞處）

【明報專訊】政府新聞處前晚11點發稿，話特首林鄭月娥、民政事務局長劉江華、勞工及福利局長羅致光當日傍晚分別去咗唔同社區，聯同非政府組織(NGO)向有需要長者同基層住戶分發口罩，其中林太去咗藍田德田邨，聯同保良局派發口罩、食物等予幾個領取綜援嘅獨居長者。短片所見，林太畀福袋一個婆婆時，就叮囑對方唔好排隊搶廁紙等；另一名婆婆接過口罩，就同特首講自己戴緊嘅口罩都係重用、「洗過嘅」，林太就叫婆婆唔好喇。

劉江華及羅致光就分別去咗旺角及大角嘴，向長者及基層住戶派發戴有口罩、酒精搓手液及清潔用品嘅防疫包。羅致光周日喺網誌話自己由大年初一開始已有22日無用過一個口罩；呢次佢去家訪，雖然都唔算多人，但羅致光有戴口罩，中止咗自己由大年初一開始無用過口罩嘅「紀錄」。

林太話，唔少市民買口罩有困難，所以決定將唔同人捐贈畀政府嘅約160萬個口罩全數轉贈非政府機構，等佢哋派畀弱勢社群，希望能與社會共享現時比較緊絀嘅資源，同心抗疫。另外，律政司長鄭若驊噚日就去咗元朗朗善邨探訪長者家庭，並派發口罩、食物等物品。

更多港聞

【Emily】民記抗疫平台 幫灣仔區會員買餸

【明報專訊】武漢肺炎疫情持續，民建聯噚日宣布成立「港島抗疫平台」，目前搵到10萬個口罩，將透過平台向登記申請嘅港島居民派發，同埋幫登記會員買... 詳情

【Emily】疫情嚴峻 曬佛節移師大帽山

【明報專訊】過往喺維園舉行嘅「曬佛節」，今年因為武漢肺炎疫情嚴峻而移師大帽山，舉行3天，噚日係最後一次。香港曬佛節創辦人覺囊派藏哇活佛阿旺?... 詳情

【Emily】歷鉛水風波 林天星任西九增選成員

【明報專訊】西九文化區管理局董事局噚日宣布，委任發展局前局長馬紹祥、水務署前署長林天星成為西九管理局轄下嘅發展委員會增選成員，任期由今年2月... 詳情

【Emily】民主黨區議員派罩 預埋警宿長者被批

【明報專訊】香港眾志喺中美洲國家洪都拉斯買咗120萬個口罩，呢批口罩日前送抵香港，民主黨同公民黨各自分配到35萬個。民主黨南區區議員徐遠華本... 詳情

生活關鍵詞：侶

【明報專訊】很多時候，我們彷彿「有口難言」，話總是吞到肚子裏，更可能因此錯過美好愛情。香港話劇團藝術總監兼導演陳敢權（Anthony）改編澳... 詳情