【Emily】委員會席位爭奪戰 陳淑莊拒建制協調
[2019.10.10] 發表
【明報專訊】立法會新一年度會期即將開鑼，各委員會正副主席嘅爭奪戰又將上演。過去幾年建制同泛民都會坐低協調，民主派會議召集人陳淑莊(Tanya)噚日同Emily講，前晚建制派「班長」廖長江搵佢傾協調，但佢已經代表民主派拒絕咗。佢話民主派會照派人競逐委員會正副主席，至於會否畀財委會、內會同其他委員會順利開會選主席，佢就無回應。
不按「協議」 葉劉擬爭教育委會主席
廖長江承認有問Tanya，但對方話從傳媒度得知討論空間有限，所以無謂浪費時間。早排傳出建制派想包攬內會、保安事務委員會等正副主席，廖長江話呢啲安排係建制派內部嘅事，所以唔會講。
根據泛民、建制輪流做主席嘅協議，新一個會期原本由教育界議員葉建源做主席，但新民黨主席葉劉淑儀公開宣稱有意做教育事務委員會主席。Tanya話，建制派一向恃住人多「大石砸死蟹」，批評議會制度本來應該有能者當之，但建制派連畀教育界代表去做教育事務委員會嘅機會都剝奪；指建制派配合政府做制度暴力咁多年，煽風點火，喺反修例風暴發生後呢幾個月都未汲取到教訓。
更多港聞
【Emily】沙田撞區鬥多提名 鄭仲恒初選勝出
【明報專訊】今年區選有唔少素人出戰，非建制派撞區情形都普遍。沙田鞍泰區本來有兩名非建制候選人，包括沙田區政湯子霈，以及佔領運動期間被時任警司... 詳情
【明報專訊】早兩日警方重推「反暴力報料熱線」，轉用咗WeChat、LINE、SMS同電郵，點知「蝦碌」再上演。Emily嘗試用LINE加入警...
詳情
【Emily】允港留學生要求 瑞典科企捐500保安匙
【明報專訊】反修例運動以嚟，每逢有遊行集會，沿途都有店舖送水送食物打氣；另一邊廂，一班喺美國讀書嘅香港研究生早排成立「香港海外研究生民主聯盟... 詳情
相關新聞
