【Emily】新版「幻彩詠香江」賀國慶

香港郵政將於十一國慶以「中華人民共和國成立七十周年」為題，發行一套4枚郵票（圖）同一張郵票小型張，4枚紀念郵票以金龍、綠葉、彩色線條同絲帶，分別代表傳承中華文化、環保、科技同一帶一路，並砌出如意結圖案，象徵團結、吉祥同和諧。（政府新聞處）

【明報專訊】下個星期二就係十一國慶，康文署早前宣布「基於整體公眾安全考慮」取消國慶煙花匯演；但政府仍有其他慶祝活動，包括升旗儀式暨國慶酒會，又發行以「中華人民共和國成立七十周年」為題嘅特別郵票，同埋推出重新編排嘅「幻彩詠香江」燈光音樂匯演。

出國慶70周年郵票

「幻彩詠香江」自2004年開始，除非有特別安排，每晚8點準時舉行。政府噚日就話，今年成個10月會有重新編排嘅幻彩詠香江匯演，會喺LED屏幕展示慶祝國慶嘅元素，但就無具體透露內容。幻彩詠香江曾經喺2017年改版，當時用咗新嘅燈光效果同LED熒幕圖案，今次重新編排唔知有咩特別嘢呢？

香港郵政就會喺十一以「中華人民共和國成立七十周年」為題，發行一套4枚郵票同一張郵票小型張。香港郵政仲同中國郵政、澳門郵電同日聯合發行一款郵票小冊子，以串連方式為國慶主題分別發行郵票小型張。

特區政府為國慶70周年設網站，介紹相關活動，例如早前舉行嘅「一帶一路高峰論壇」、4月時舉行嘅「互聯網經濟峰會」原來都屬國慶活動之一。

更多港聞

【Emily】暗示黨友參選？ 吳文遠fb下戰書 誓言鏟走鄭泳舜

【明報專訊】區議會選舉下周五（10月4日）開始報名，各路人馬已摩拳擦掌。社民連主席吳文遠噚日喺facebook出post，透露未來9個禮拜要... 詳情

【Emily】草「管」人命 「悔」辱國旗 大sir讀錯字

【明報專訊】各位阿sir喺警方4點鐘例行記招，一字一句都成為網民焦點。警察公共關係科（PPRB）總警司謝振中噚日喺記招開場白讀稿，譴責示威者... 詳情

【Emily】冇收求助 Ann姐：太子站死人係假新聞

【明報專訊】太子站8．31事件過後，唔少傳言話有人被警察毆打至死，甚至有指有6人斷頸亡；民建聯立法會議員蔣麗芸（Ann姐）早前呼籲死者家屬搵... 詳情

【Emily】評價警處理示威 CY：要依法辦事

【明報專訊】全國政協副主席、前特首梁振英（CY）頻頻喺社交媒體出post月旦時政，CY噚日出席演講（圖），被問到點樣評價特區政府、警方處理示... 詳情

【Emily】慢必去亞太區平權會 乘機做文宣

【明報專訊】唔少泛民人士近日都去美國、聯合國等講述香港反修例情况，人民力量議員陳志全（慢必）上星期就去咗東京，參加全球平權議員聯盟（亞太地區... 詳情