【Emily】草「管」人命 「悔」辱國旗 大sir讀錯字
[2019.09.24] 發表
【明報專訊】各位阿sir喺警方4點鐘例行記招，一字一句都成為網民焦點。警察公共關係科(PPRB)總警司謝振中噚日喺記招開場白讀稿，譴責示威者喺南昌站闖入車尾駕駛室、放低緊急梯等行為係草「管」(菅，粵音艱)乘客生命，將「菅」字讀錯；之後有組織罪案及三合會調查科(O記)高級警司李桂華就將侮辱國旗讀做「悔」辱國旗。
菅其實係一種野草，草菅人命即比喻輕視人命、濫殺無辜。其實謝sir嘅中文用字都唔係第一次引起討論，上月有街坊喺荃灣衝突中下跪要求警員唔好開槍，最後被警員踢開，謝sir事後解釋警員只係「嘗試用腳推開」男子移除威脅。噚日大批網民又紛紛留言，有人即時攞咗近日大熱二創歌曲《肥媽有話兒》嘅歌詞「又唔讀書」譏諷警方。
更多港聞
【明報專訊】太子站8．31事件過後，唔少傳言話有人被警察毆打至死，甚至有指有6人斷頸亡；民建聯立法會議員蔣麗芸（Ann姐）早前呼籲死者家屬搵...
詳情
【Emily】評價警處理示威 CY：要依法辦事
【明報專訊】全國政協副主席、前特首梁振英（CY）頻頻喺社交媒體出post月旦時政，CY噚日出席演講（圖），被問到點樣評價特區政府、警方處理示... 詳情
相關新聞
