【Emily】香港民主女神 開箱圖流出
[2019.09.21] 發表
【明報專訊】近日外地掀起紀律部隊或救援人員裝備「開箱圖」，宣傳部隊工作同形象，有報道話熱潮源於瑞士蘇黎世警察局喺facebook發布一張高空照片，展示警車、警員裝備同埋警員瞓喺平地上，形成構圖整齊嘅「開箱圖」，其後多國消防同救援部隊都響應。
香港嘅反修例抗爭者喺咁緊張嘅社會氣氛下，都幽默一下，上載咗一幅「香港民主女神」開箱圖，圖中可見女神手部、背包原來可以拆件，說明仲話其實上下半身都可以分開。
Emily就期待警方會唔會都響應，將水炮車、催淚彈、橡膠子彈、布袋彈、伸縮警棍等等等等都拆件開箱一下，或者搵埋謝sir、江sir登場做模特兒瞓平，影張靚相畀大家睇。
更多港聞
【Emily】響應瑞典少女 百人中環促政府減廢
【明報專訊】就嚟10月，香港仍然有成30℃，氣候問題好值得大家關注。多個環保團體包括「350香港」、「減廢香港」、「抗拒滅絕——香港」等，噚... 詳情
【明報專訊】反修例風波以嚟，警方執法行動備受爭議，大律師公會今個月初出聲明，話由傳媒拍攝嘅片段所見，有警員使用過分武力驅散同拘捕示威者，特別...
詳情
相關新聞
