【Emily】本地籃球聯賽拒警察參賽
[2019.08.13] 發表
【明報專訊】近日示威引發連串警民衝突，唔少人都對警察嘅執法行動有質疑，甚至有商舖表明唔接待現役警察同佢哋嘅支持者。而九龍區室內體育館男子籃球聯賽「Ｍ League」，噚日亦喺facebook以「與政治無關，是因為良知」開首發帖，話即日起拒絕現役警察出席聯賽賽事，直至「警察濫暴及行使超過自己職權得到追究問責為止」，請現役警察自行缺席賽事。
帖文中又話，即使唔係警察，但「為了薪金而站在他們那邊」，都會將佢哋視為同警察同一種人。
另外，一間賣日本製傳統工藝產品的舖頭「MUTSUKI 睦月」亦喺facebook度發「嚴正聲明」，指唔會再接待支持警察嘅顧客，「即使本店因此而倒閉，亦從不後悔」。
更多港聞
相關新聞
