【Emily】黃梓謙退出民主思路 湯家驊：體現培育年輕從政者見成果
[2019.08.01] 發表
【明報專訊】由資深大律師、行政會議成員湯家驊(Ronny)創辦嘅智庫「民主思路」，繼上月聯席召集人麥嘉晉離開後，同樣曾以民主思路牌頭參選2016年立法會選舉嘅黃梓謙(Gary，圖)噚日亦宣布退出；商務及經濟發展局政治助理馮海容都刪去申報民主思路會員。Gary喺facebook話，未有打算加入其他政治團體，亦唔會參與未來兩場選舉，未來希望為弱勢社群付出更多。
Ronny噚晚回應話，馮、黃二人退出隔咗一段時間，原因好唔同，但佢哋都冇退出政府架構或委員會，可見佢哋仍認同喺政府架構中為特區出力嘅重要，「從另一角度看，他們之離去，正正體現到民主思路就培育年青從政者之工作，多少已漸顯成果」。
Gary噚日朝早公布退出消息，佢話當初加入民主思路，目標包括修補社會撕裂、推動民主發展等，「只可惜我們在這個平台暫時未能做到」，又話明白社會對民主思路有不少批評，「組織成員的言論與行事作風不時成為眾矢之的」。佢話自己喺fb沉默，「不代表我視而不見，或者認同現時所有做法」，亦唔認同坐喺冷氣房嘅人能充分感受普通市民嘅不安，批評政府同年輕人脫節。
民主思路喺2015年中成立，當時成員包括港大政治與公共行政學系教授陳祖為、城大公共政策學系教授葉健民等，兩人早前都已退出。
更多港聞
【Emily】消費權益報道 《明報》偵查組奪金獎
【明報專訊】噚日天文台掛8號波，消費者委員會一年一度嘅消費權益新聞報道獎頒獎禮亦喺風雨中舉行。今年《明報》偵查組同事梁崇碧、羅霈潁同陳浩謙嘅... 詳情
【Emily】「全能醫生去整牙」 林奮強：畀機會林鄭
【明報專訊】反對《逃犯條例》修例風波未見平息，行政會議前成員林奮強（小圖）噚日談及對局勢睇法，佢話自己同市民一樣，對修例工作感到「嬲嬲豬」，... 詳情
【明報專訊】立法會議員何君堯早排因為被人影到喺元朗同一班懷疑有參與元朗襲擊事件嘅人握手，引嚟大批市民去佢嘅議員辦事處抗議，唔知係唔係怕會造成...
詳情
【Emily】笑稱打風阻返工 議員「譴責熱帶氣旋不合作運動」
【明報專訊】熱帶風暴韋帕噚日逼近本港，天文台下晝1點40分改掛今年首個8號風球，打工仔紛紛提早收工回家，猶如額外獲得半天假期，唔少網民叫好，... 詳情
【Emily】上任7個月 物監局總裁梁棟材離任
【明報專訊】物業管理業監管局（物監局）正草擬物業管理發牌制度嘅附屬法例，包括物業管理公司及物業管理人牌照嘅細節。不過，今年1月1日先上任嘅物... 詳情相關新聞
