【Emily】「全能醫生去整牙」 林奮強：畀機會林鄭
[2019.08.01] 發表
【明報專訊】反對《逃犯條例》修例風波未見平息，行政會議前成員林奮強(小圖)噚日談及對局勢睇法，佢話自己同市民一樣，對修例工作感到「嬲嬲豬」，但佢覺得特首林鄭月娥過去嘅民生扶貧工作做得好好，希望公眾畀機會佢。林奮強將林太比喻成「十項全能醫生」，耳鼻喉同心臟都識醫，但「無啦啦走出去幫人整牙」，結果失敗，然而呢個醫生仍能醫到其他病。
對修例工作感「嬲嬲豬」
本身係團結香港基金成員嘅林奮強，噚日喺基金會午餐會後主動見傳媒。佢話現時社會氣氛令市民出街都唔可以著黑衫或白衫，返工會因為示威而要改道，行街前亦要睇吓目的地有無事發生，同以前好唔同。有示威者希望「時代革命」，但佢認為香港喺經濟、醫療、教育以至人均壽命各方面都好好，反問推翻制度後能否確保新制度更好。
對於林太，林奮強形容「林醫師」十項全能，但唔識整牙，「明明補牙，但整甩人哋隻牙」，結果令到病人「嬲嬲豬」。佢話要令香港變好，並非只限於滿足示威者5項訴求，強調政府要大力改善房屋等問題、投放資源予弱勢社群。
更多港聞
【明報專訊】立法會議員何君堯早排因為被人影到喺元朗同一班懷疑有參與元朗襲擊事件嘅人握手，引嚟大批市民去佢嘅議員辦事處抗議，唔知係唔係怕會造成...
詳情
【Emily】笑稱打風阻返工 議員「譴責熱帶氣旋不合作運動」
【明報專訊】熱帶風暴韋帕噚日逼近本港，天文台下晝1點40分改掛今年首個8號風球，打工仔紛紛提早收工回家，猶如額外獲得半天假期，唔少網民叫好，... 詳情
【Emily】上任7個月 物監局總裁梁棟材離任
【明報專訊】物業管理業監管局（物監局）正草擬物業管理發牌制度嘅附屬法例，包括物業管理公司及物業管理人牌照嘅細節。不過，今年1月1日先上任嘅物... 詳情相關新聞
