屯門「山墳」係小丘園境 造價20萬
[2018.08.29] 發表
【明報專訊】Emily版噚日頭條報道屯門友愛邨附近馬路旁驚現幾座被嘲似「山墳」嘅物體，街坊大彈設計嚇親人；運輸署終於解畫，話呢個工程設計係「以岩石鋪砌小丘園境」，一般建喺本港嘅行車天橋底下，仲話呢啲「園境」預計造價約20萬元。
運輸署話，收到屯門東南分區委員會、區議員、市民反映嗰度成日有人非法聚賭，諮詢警方及其他部門後，安排工務部門喺嗰度整個「小丘園境」，防止有人聚賭。
工黨屯門區議員譚駿賢話，現場噚日除咗發現兩個「山墳」，仲有兩個長身「園境」裝置，用黑色膠袋蓋住。佢話整啲無用又惹人討厭嘅裝置真係浪費公帑，2000元都嫌貴。運輸署補充話個工程仲整緊，正同相關工務部門跟進施工情况，話會優化工程設計。唔知之後仲會唔會多幾個「山墳」或「棺材」園境呢？
更多港聞
【明報專訊】唔少議員都趁新一個立法年度未開始前總結年度工作，民建聯立法會議員葛珮帆（EQ）話，上個立法年度佢喺大會提出嘅口頭同書面質詢，夾埋...
詳情
相關新聞
