港少足赴冰島比賽偷師 健兒盼他朝晉世盃決賽周

香港U15青年足球隊本月會透過由WE LIKE HK贊助嘅「足球發展伙伴計劃」，到冰島同當地及北京球員比賽同集訓，香港隊噚日喺伊館舉行授旗禮，除咗隊員同足總行政總裁薛基輔（左四），政務司長張建宗（右二）亦有現身支持。（鄧宗弘攝）

【明報專訊】人口僅得34萬嘅冰島，早前打入世界盃決賽周，成為體壇勵志故事。由冰島、香港同北京足總合辦嘅「足球發展伙伴計劃」，聽日起至本月16日，將安排三地15歲以下(U15)少年足球隊喺冰島集訓同比賽，切磋球技。計劃噚日喺灣仔伊館舉行授旗禮，香港U15主教練朱兆基話，希望本地球員去到冰島可以開眼界，輸贏其次，最希望佢哋提升比賽心理質素。

政務司長張建宗噚日活動上用廣東話、普通話同英文致辭，大讚冰島球員憑住堅毅務實同無所畏懼嘅精神，創出歷史佳績，成為歷來晉級世界盃決賽周人口最少嘅國家，係活生生嘅「勵志篇」。佢又話希望參加計劃嘅球員喺交流團中發揮不屈不撓精神，爭取機會多同冰島青年球員同教練交流，建立友誼，汲取足球知識同經驗，並為中港足球發展努力。不過張建宗嘅普通話「非常普通」，其間台下有人都忍唔住竊竊私語。

連埋教練團，香港U15足球隊會派約30人前往冰島。司職中堅、現年14歲嘅楊憲樂形容冰島球員鬥志好強，紀律良好。同樣係14歲嘅龍門陳嘉昊，亦盛讚冰島球員永不放棄嘅精神，佢哋同聲話唔擔心當地寒冷，期待交流，更希望日後可以好似冰島咁，帶領香港晉身世界盃決賽周。

更多港聞

爆旋陀螺賽 冠軍小朋友贏包米

【明報專訊】工黨沙田區議員葉榮前日喺區內搞咗一場「爆旋陀螺大激鬥」嘅活動，吸引唔少小朋友參加，網民亦熱烈討論，因為呢場比賽嘅冠軍，可以贏得一... 詳情

謝偉銓帶選民入中聯辦 齊食「自助餐」

【明報專訊】唔少立法會議員都鍾意帶街坊去吓旅行參觀景點，不過又有幾多議員可以搞個團去參觀中聯辦大樓？建築、測量、都市規劃及園境界議員謝偉銓（... 詳情

鳩嗚團勞處示威 盼屈穎妍助「追欠薪」

【明報專訊】專欄作家屈穎妍早前撰文講旺角行人專用區結束一事，提到每當有政治人物鬧事被捕，「旺角鳩嗚團」就會去圍旺角警署，聲稱鳩嗚團係收錢行事... 詳情

泛民聯署信促政府助鄧龍威

【明報專訊】喺菲律賓因販運冰毒被囚10多年嘅港人鄧龍威一直堅稱被誣告，24名泛民主派議員向特首林鄭月娥提交聯署信，希望政府可以盡力協助鄧龍威... 詳情

面對兩難 曾鈺成分析高永文唔選原因

【明報專訊】食衛局前局長高永文日前以未能兼顧議員、臨牀同義務工作為由，宣布唔會出戰11月立法會補選；立法會前主席曾鈺成噚日喺報章撰文，分析高... 詳情