稱煲呔「患政府公職後遺症」 葉劉fb:好怕高官擺天主上台

【明報專訊】Emily上星期提過，新民黨主席葉劉淑儀最近獨自去咗馬來西亞旅行放鬆，原來葉太近日活躍網上世界，話說同葉太一樣係AO出身嘅前特首曾蔭權，上周五畀法庭駁回早前被裁定公職人員行為失當罪成嘅上訴，但獲減刑至12個月，葉太喺facebook發表〈曾蔭權無法逾越的那一關〉嘅長文評論事件，形容對方患上「政府公職後遺症」，又話為官者應看透繁華如過眼雲煙等，文章引起熱議。「識睇梗係睇留言」，原來葉太發長文後，更不斷同網民互動，內容都幾生鬼。

話說葉太長文提到高官外訪待遇好好，及後就留言話，「高官當然有特權，特別是外訪，憑着香港的地位，局長級或以上的官員都有很好的待遇。你睇吳克儉幾鍾意外訪！」

「高官當然有特權

你睇吳克儉幾鍾意外訪」

有網民問葉太旅遊時仲有空檔寫咁長嘅評論，另一網民質疑呢位網民係對葉太雞蛋裏挑骨頭。葉太回應「我獨遊成日在度假村行行企企上上網冇嘢做！」之後葉太仲霸氣回覆「自身乾淨就唔怕人挑！」葉太提到曾蔭權係天主教徒時，又留言話「講真，我都好怕D高官開口埋擺天主上台！」

過往葉太喺fb都係用英文簡短回應網民，Emily好關心留言嘅究竟係葉太定係「小編」，甚至係畀黑客入侵？身在馬來西亞嘅葉太就同Emily講，長文係佢口述畀助理幫佢打出嚟，但留言嘅的確係佢，笑言最近學識用手機打中文，加上放假自己一個喺外地「無所事事」，咪輕鬆地同網民交流吓。不過佢話返到香港，立法會公務繁忙，未必可以成日咁樣同網民互動。

更多港聞

羅致光叫年輕人唔好懷緬過去

【明報專訊】勞工及福利局長羅致光（CK）形容近年社會有「特別現象」，「年輕一代常懷緬一些他們沒有經歷的過去」，就如年輕社工大談1990年代初... 詳情

市民書展快閃抗議「三中商」

【明報專訊】港台《鏗鏘集》早前報道，中聯辦透過內地公司「廣東新文化事業發展」，間接控制三聯、中華、商務（三中商）三大書局和出版社。書展正喺會... 詳情

紅白藍袋裝到幾張金牛？ 金管局揭曉：7萬

【明報專訊】大家睇港產片，不時見到片中角色將一疊疊一千蚊紙，裝滿手提篋或紅白藍尼龍袋，不過咁樣確實可以裝到幾多錢呢？近日開設facebook... 詳情

毛姨姨旺角行人區最後一壇

【明報專訊】政府會喺8月4號取消旺角西洋菜南街行人專用區，意味29號將會係旺角最後一次行人專用區。九龍西立法會議員毛孟靜過去幾年不時喺旺角行... 詳情

中小生國畫賽 籌22萬捐匡智會

【明報專訊】國畫畀人感覺古老啲，有無諗過年輕人、甚至小學生，畫國畫一樣得？由唐英年任會長嘅江蘇社團總會，早前主辦首屆「蘇韻流芳」青少年國畫比... 詳情