中大農村建最大跨度竹橋
[2018.04.25] 發表
【明報專訊】內地仲有好多貧困農村無行人橋，一旦遇暴雨，村民出入過河好唔方便，甚至有生命危險。中文大學姚連生建築學教授吳恩融喺4月帶住中大嘅「一專一村」團隊，喺重慶渝北區杜家村完成第二個「一心橋」項目，建成跨度達21米嘅農村竹橋，係全國跨度最大嘅竹橋。
條橋寬3米，就地取材用700條毛竹建造而成，橋面都係鋪裝竹排面板，只使用小量鋼材如螺栓、角鋼連接。竹枝價格較廉，生長周期短兼柔韌性高，加上環保，成為近年備受關注嘅建築材料，不過竹枝比較易裂，唔夠其他材料耐用，而結構比較難掌握。團隊項目負責人、中大建築學院博士研究生邵長專同清華大學等合作，研究竹嘅特性同力學等，將研究成果應用於杜家村「一心橋」，通過改良竹嘅性能，加埋防腐防蟲處理，條橋使用壽命可達20年。
中大指根據國家部門估計，全國最少需要1萬座跨度達15米或以下嘅農村行人橋，中大想將竹橋設計流程規範化同標準化，令到預製同施工工序快啲，幫埋其他農村地區。
更多港聞
熱血老師「時限學校」開陸運會 珍惜9年時間 讓孩子快樂奔跑
【明報專訊】3年前教育文憑畢業的許惠琴可謂初生之犢不畏虎，入職一間只會運作9年的「有時限學校」，從零開始設立體育科，體育室內每個豆袋、呼拉圈... 詳情
【明報專訊】亞運會將於8月在印尼雅加達開幕，一眾香港運動員已加緊備戰。浸會大學許士芬博士體康研究中心與手球總會簽署合作備忘錄，浸大開放實驗室...
詳情
相關新聞
