重開公民廣場 與劉國勳唱反調 周浩鼎：民記共識先評估保安
[2017.04.25] 發表
【明報專訊】政府換屆在即，近期政圈熱炒重開俗稱「公民廣場」嘅政府總部東翼前地呢個議題，建制泛民都有人和議，其中民建聯劉國勳更有實質動作，早前去信政務司長張建宗提出要求，連候任特首辦日前都回覆指會考慮重開。不過，唔知劉國勳係咪太早跳出嚟講，呢件事引起民建聯內部出現分歧，民記副主席周浩鼎噚日喺大氣電波急急澄清，指民記黨團經過深入討論後達成共識，應先做好保安風險評估。
周浩鼎解釋，唔應該急於重開政總東翼前地，因為現時社會氣氛未有明顯轉變，而過往亦有示威者曾經爬過欄杆及利用硬物衝擊，不得不考慮保安因素。
黨友周浩鼎公開喺電台上唱反調，但劉國勳都無轉軚，強調自己睇法一直無改變，佢噚日朝跟民記見林鄭月娥時，亦再度當面提及重開公民廣場。其實今次並非民記首次出現分歧，例如年前版權修訂條例草案，周浩鼎亦一度提出可支持泛民其中一項修訂，但好快就被領導層否定咗。
工聯會撐重開
至於其他政黨，工聯會噚日亦表態贊成重開公民廣場，認為長期關閉對政府形象有影響。香港眾志羅冠聰則認同應恢復政府總部「門常開」嘅設計，不過對於做法能否修補撕裂，做到和解，佢就表示存疑，「就算係有善意，都遠遠未到呢種程度」。
更多港聞
【明報專訊】工聯會榮譽會長陳婉嫻退下立法會後未有因此「收火」，面對唔滿意嘅事，照樣狠批，噚日佢就喺報章專欄批評港鐵，直指港鐵「為了錢而瘋狂」...
詳情
續讚張宇人勝任局長 鍾國斌﹕你知佢得 劉慧卿﹕唔係嘛
【明報專訊】民主黨前主席劉慧卿（卿姐）噚日訪問自由黨黨魁鍾國斌（Felix），Felix話黨主席張宇人唔肯做局長，但笑住同卿姐講「你識佢（張... 詳情
擁3博士10碩士銜頭 涉獵法律工管音樂 好學工程師 讀到老不言倦
【明報專訊】工程師學會前會長陸宏廣先後五度出戰工程界功能組別，是立法會選舉「屢敗屢戰」的代表；眼光稍移，他是一名勤奮學生，年屆古稀的他已取得... 詳情
【明報專訊】中文大學每年暑假都為本港、內地及國際學生提供涵蓋學術研究、文化探索、服務社會及實習機會等不同範疇的課程，校方今年暑期課程網站「S...
詳情
相關新聞
