英華小學弦樂團獻技 議事堂變演奏廳
[2017.04.08] 發表
【明報專訊】立法會大樓噚日變身演奏廳，傳出陣陣悅耳交響樂。原來秘書處最近搞咗個「午間音樂表演」試驗計劃，邀請喺公開比賽中獲獎嘅學校樂團到立法會演奏。英華小學弦樂團多個學生噚日演奏5首經典名曲，除咗Classical Symphony、Canon in D」等古典樂章，仲有007電影中James Bond耳熟能詳嘅音樂。唔好睇佢哋人仔細細，表演起嚟有模有樣，唔會差得過專業樂團。
佢哋精彩演奏吸引咗唔少人駐足欣賞，包括立法會秘書長陳維安同多個立法會議員，好似鄭松泰、李國麟、謝偉俊、葉建源等，佢哋之後一齊留影拍照，大讚精彩。其實今次已經係秘書處安排嘅第二場表演，反應十分唔錯，相信未來都陸續有來。
更多港聞
相關新聞
